GAGANA SAMOA

O Tala Tu'u ma Pese
O lo'o i luga ole upega tafailagi pese ma tala sa faamaopoopoina e le Ofisa o Aoga i tusi sa lolomiina i tausaga ua mavae.  
O lea ua mae'a galue e le Language Learning Centre (LLC) mai le Iunivesete o Vitoria i Ueligitone, ile faasalalau atili ai o nei mea aoga mo le aoaoina o le Gagana Samoa i luga o le latou tulaga ua tapenaina mo lenei faamoemoe - mo ē o lo'o manaomia ni tala ma pese e fa'aaoga mo le fanau. 
Silasila ile ulutala o lenei faasilasilaga mo nisi faamatalaga.


________________________________________________________

Lauga mo le Sauniga Lotu Au Leoleo
EFKS Grey Lynn, Aso To'ona'i 26 Mati
(Sa ou ta'ita'iina lenei sauniga, e tusa lava ma le faasologa o tiakono e avea ma ta'ita'i lotu)

O le lauga ile suafa tolutasi paia o le Atua le Tamā, le alo male Agaga Paia – Amene.  
O le ā maua se manatu mo lenei lauga mai le tusi faitau sa tatou faitauina mai le Feaigaga Fou: Ioane 3: 16-21, ma ua ou fia faamamafaina le fuaiupu e 21 e fai ai sina tala mo tatou:  A o lē ua faamaoni i ana mea e fai, e sau lava o ia ile malamalama, ia faaalia ana amio ina ua tatau ile Atua.  O le manatu autu mo faasologa o le Au Leoleo mo lenei aso: E le’i galo tatou i le Atua -  which I translate as - we are not forgotten by God.   I’m going to be asking some questions in my message for today – to the Sunday School – so pay attention so you can answer the questions ok!  O le Atua o se Atua alofa, e silisili ese, o le Atua o Atua. O tatou o tagata Kerisiano e taumafai e mulimuli i ana tulafono ma taumafai ai foi e tausi ana poloaiga e tusa ma lona finagalo paia.  A ou mafaufau ile manatu autu mo lenei aso o le faasologa o sauniga lotu mo le Au Leoleo – e tele fesili e tulai mai i lo’u mafaufau ile faatulagaina o se manatu faasoa. O ituaiga fesili sa ou mafaufau i ai:
·      * O ā ni mafaufauga loloto ile upu lea o le “galo”?
·      *  Sa iai ni taimi ile Tusi Paia sa le’i galo ai tagata i le Atua, e mafai ai ona maua mai ai se fesoasoani i lenei mataupu?
·      *  O ā ni mafuaaga e galo e tatou - le Atua?
·      *  Aiseā e le’i galo tatou i le Atua?

O ā ni mafaufauga loloto ile upu lea o le “galo”? – What deeper meanings can we find about the word “forget”?
E tele ni mafuaaga e mafai ona tatou tusilima iai pe afai e galo e tatou se mea.  There are any number of reasons why it might be easy to forget things, or be forgetful. Easy things to forget would be if you forgot a textbook or P.E. gear to take to school. We don’t really worry about forgetting lunch, because we know we can scab off our friends at school.  Ile ituaiga olaga lenei o lo’o tatou ola ai – e faigofie lava ona galo po’o fea le mea ua tu’u ai ki ole taavale, po’o se feau sa tatau ona e faatino – pe a tele nisi mea e tumu ai lo matou mafaufau, ae maise foi, pe a tupu se faalavelave e faagalo ai galuega e masani ona fai.  **Ask the kids** Are there any other examples of things that we can easily forget?
We can easily forget things if we get distracted from what we intended to do because something else came up or something more urgent comes up.  But what about people?  Can we forget people as easily as we can forget things?  E faigofie ona galo e tatou nisi tagata?  Sa iai ni taimi ile Tusi Paia sa le’i galo ai tagata i le Atua, e mafai ai ona maua mai ai se fesoasoani i lenei mataupu? – Were there any other times in the Bible where God didn’t forget us to help us with this morning’s topic?  E tele taimi e ta’u mai ele Tusi Paia o tala o auauna sa faamaoni ile Atua.  E tala feagai le iloilo o ituaiga faapea, auā e fesootai lelei male fuaiupu ua ou faamamafaina mai le tusi sa tatou faitau i ai –  A o lē ua faamaoni i ana mea e fai, e sau lava o ia ile malamalama, ia faaalia ana amio ina ua tatau ile Atua - But those who do what is right come to the light so others can see that they are doing what God wants **Ask the kids**  Can you name some people in the Bible who have done what is right so that we can see what God wants?  O le auauana o Iopu, o se tasi lea o auauna o le Atua, sa faamaoni lava lona alofa i lona matai, e ui ina sa faatigāina e Satani, ae sa tumau pea lava le faatuatua o Iopu ile Atua.  A aveesea mea lelei mai o tatou olaga – e faigofie ona faatupu ni manatu vaivai, manatu faapea - ua lē toe alofagia e tatou ele Atua, pe ua tuulafoaiina e tatou ele Atua, ana ou faia le mea lea, e le tupu le mea nei.  Sa le galo Iopu ile Atua.  E ui ina sa aveesea e Satani lona aiga, lona mauoa, faatasi ma lona malosi – ae sa toilalo pea Satani, auā sa le mafai ona aveesea e Satani le faamaoni o Iopu ile Atua.  Fai mea lelei, fai mea tonu – e ui ina faigata – ae tumau pea tatou ile Atua.  Ile Feagaiga Fou, o lo’o maua ai tala o Paulo – e ui ina sa faasauaina tagata Kerisiano ma fasiotia foi latou, ae sa salamō ma avea ma auauna faamoemoeina a le Atua ina ia faatu Ekalesia e fia faatasi ai ma nisi tagata Kerisiano.

O ā ni mafuaaga e galo e tatou - le Atua? – What are some of the reasons we forget God?  
The main reason we are likely to forget God is because we don’t put Him first in our life.  It seems an easy enough thing to forget though isn’t it?  E galo e tatou le Atua, auā e le faamuamua le Atua i o tatou olaga.  A tatou mafaufau atili i ai, e iai le auala faigofie e mafai ona fa’aaogā e siaki pe e galo e tatou le Atua.  Ae e te le’i faatinoa se galuega e tasi, so’o se taimi e te faia lava se tonu – fai le fesili lenei – e tala feagai lenei tonu ma le Atua?  We can ask ourselves a simple question to check if we forget God on a daily basis when we make decisions about anything we do – would God approve of this decision?  Would God approve of my choice?  A lē faamuamua le Atua i o tatou olaga, e uiga la, o lo’o faamuamua nisi mea le aogā i lo tatou olaga. O le isi foi mafuaaga e galo e tatou le Atua – e pau lava le taimi tatou te mafaufau ia te Ia – pe a tupu se faalavelave.  We sometimes forget God, because we only go to Him when we are in trouble or need help.  Think of God like he’s a friend.  How would your friend feel if you only hung out with him when you were in trouble and when you needed help?  But you didn’t want to hang out with him and have some good conversations, share all the cool stuff with him?  Mafuta ma le Atua i taimi uma, ae lē na o taimi faigata.

Aiseā e le’i galo tatou i le Atua? – Why are we not forgotten by God?  Why does God never forget us?
The answer to this question can be found in the comparison of God’s love to that of a mother’s love when she bears a child – it is found in the scripture we read in Isaiah 49: 15.  Ou te manatu o le tali o lenei fesili e maua mai le tusi mai le feagaiga tuai sa tatou faitauina Isaia 49:16 –
E galo ea ile fafina lana tama ua susu, na te le alofa ile tama lona lava manava?  Ai lava e galo ia te i latou, a e le galo lava oe ia te a’u.  O le faamau mai ile tusi lenei o le alofa ole Atua e pei o le alofa o se fafine i lana tama ua susu.  E le mafai ona galo i tatou ile Atua – auā o Ia sa faia tatou.  God will never forget us – because He made us.  Have a think about that.  We are made in His image, we are made to glorify and praise Him because He sent his Son to save us.
But those who do what is right come to the light so others can see that they are doing what God wants.  A o lē ua faamaoni i ana mea e fai, e sau lava o ia ile malamalama, ia faaalia ana amio ina ua tatau ile Atua.

Sa tatou talosia i tatou talosaga nei – lo tatou faafetai ona o le atoaga ole Atua mo lana tagata.  Sa tatou faatoese ona o le manatu mai ole Atua mo i tatou, na mafua ai le taulaga mo agasala, ma tatou te le’o iloa ona faamaualalo, faamagalo ma faagalo.  Sa tatou tatalo ina ia ‘aua lava ne’i galo e tatou le atoatoa ole alofa ole Atua, mo i tatou tagata agasala.  Le au uso e, ia tatou faamaoni i mea tatou te fai, ia tatou o ile malamalama ma ia fa’aalia tatou amio ua tatau ile Atua – auā e le’i galo tatou ile Atua.  AMENE
________________________________________________________

O lo'u tusi faapitoa mo tagata ou te iloa e lē fiafia ia te a'u

Mo lou silafia, lau susuga Lēmalieiātea'u,

O lo'u olaga atoa ua ou iloa e to'atele tagata e lē fiafia pe e lē malie iā te a'u.
O se tulaga ou te ofo ai ile tele nisi o taimi, ae iai fo'i nisi taimi pe ou te lē popole tele fo'i iai auā e lē mafai ona ou taofia nei lagona o le lē malie, ma le lē fiafia o tagata ia te a'u.

E iai ni fesili e tula'i mai pe a ou mafaufau atili ai.
Aiseā e le malie pe e lē fiafia ai tagata iā te a'u?
O ā ni galuega po'o ni mea sa ou faia ina ua lagona ai faapei tagata ia te a'u?
O ā ni mea e tatau ona ou faia ina ia malilie ma fiafia mai ai tagata ia te a'u?

Ua ou talitonu - o le tali tumau mo nei fesili uma e tolu, o le tali lava e tasi.
O le ā la le tali mo nei fesili e tolu?

Mo lou silafia, o le tali mo nei fesili, e tasi lava le tali ile gagana Samoa. Leai se mea.
E tasi lava le upu ile gagana fa'a Peretania. Nothing.

Ia manuia le aso ma ia faamanuia atu pea le Atua ia te oe ma lou aiga atoa,
Manu xx

________________________________________________________

O lo'u tusitusiga lenei sa tapenaina mole tusi faamanatu o le 50 tausaga ole E.F.K.S. i Niu Sila

O lo’u olaga i totonu ole E.F.K.S i Niu Sila
E muamua ona si’i le viiga ma le fa’ane’etaga i lo tatou Tama o i le lagi, aua ua aulia ma le manuia, i Lona finagalo paia, lenei tausaga faapitoa, o le fa’aatoaina ole 50 tausaga o le E.F.K.S. i Niu Sila. 
O lo’u igoa o Taemanuolo Pulumelo Faaea-Semeatu.  O lo’u igoa, o le igoa ole tina o lo’u tama.  O lo’u aulotu, o le E.F.K.S. Grey Lynn.  I le tausaga 1962, sa ta’ua le aulotu lenei o E.F.K.S. Aukilani, aua o le uluai Ekalesia lenei o le E.F.K.S i Niu Sila.
O lo’u tama o Aiono Pulumelo Faaea, mai le pitonu’u o Salioa i le nu’u o Fasito’o-uta (le nu’u na fasia Tamafaiga, ole tala e fiafia e lo’u tama e faamatala faatasi ma le pa le so’o i Manono), ma o lo’u tina o Afamasaga Vaiola Faaea, sa fanau i Ma’asina i Fagaloa.  O o’u matua o o’u faiaoga muamua, o tagata e faamaoni i tiute ma tofiga i totonu o le Ekalesia.  O lo’u tama sa avea ma failautusi ole aulotu, Tiakono Toeaina ole Matagaluega Aukilani, seia o’o ina avea ma a’oa’o fesoasoani ole Ekalesia, e o’o mai ile aso.  O lo’u tina sa lagolago i tofi uma o lo’u tama i le la soifua auauna mole Ekalesia, ma o lo’o fa’aauau pea le la auaunaga i le alofa o le Atua i lenei vaitaimi.  O lo’u tuagane matua, o Hemi Faaeafaleupolu, o lo’o galue nei ile E.F.K.S. Leauva’a ma lona faletua o Vinesoreka ma le la fanau.  O lo’u to’alua o Loma Semeatu, ma o ona matua o Fa’ata Loma ma Sapi Semeatu, o lo’o galue ile E.F.K.S. Magele i Sisifo, o lo’o galue i ai Petaia Lokeni ma le faletua ia Seira.
Sa finagalo le tusitala o lenei tusi, ina ia ou faia se tala e fai ma sui o tupulaga talavou sa ola i totonu ole E.F.K.S. i Niu Sila.  Sa tu’u avanoa i nisi foi tupulaga talavou ole Ekalesia e tuuina mai ni a latou tala e faamatala ai fo’i ni a latou vaavaaiga ma mea sa tutupu i lo latou tuputupu a’e i totonu ole Ekalesia.
Alofaaga mo Fuimaono Ta’ala
Ou te manatua lenei toeaina a’o ou laitiiti lava.  Sa masani lava le toeaina ona aumai ni lole po’o se pulu lole a’o ou savalivali solo ma ta’amilo i nofoa ole falesa (o le tala foi  lea e fa’amaonia e lo’u tina).  I le taimi na maliu ai si toeaina, na ou manatua le avea o ma’ua ma le uso ia Tina Talataina-Timoteo e fai ma puega ata i luga ole tu’ugamau o si toeaina.  O se lesona taua ou te maua mai e lenei toeaina, a e talitonu i se auala e mafua mai ai se manuia mase lumanai o ou tagata, ia sailimalo, ia tauivi, ma ia faia le mea sili.  
Malo le galue Tama.

Siaosi Ieriko – o lo’u faifeau muamua – E.F.K.S. Aukilani
O le faifeau muamua sa ou manatua i le amataga o lo’u ola tautua i le E.F.K.S. o Siaosi Ieriko.  O se toeaina tausa’afia, e fiafia i tamaiti ma e fiafia fo’i i sauniga lotu pu’upu’u.       Sa ou manatua na o’o ile tausaga na ou fa’aEkalesia ai, sa 12 o’u tausaga.  Sa manatu o’u matua e tatau ona ou auai ile taliaina o lenei sakarameta paia.  Na ou tapena mo lenei faamoemoe i fesili ma tali, sa faataitai ile fale ae ou te le’i sauni ma te feiloai ma le toeaina.  Na o’o ile Aso Sa e fai ai le tama’i suega ile maota ole galuega, ona ou tuitui loa ile ofisa ale toeaina.
Na tatala fiafia ele toeaina le faitotoa.  Na ou manatua o lo’u taimi muamua lenei na ma feiloai ai ise talanoaga faapenei, ma na ou lagona le fefe ma le le mautinoa pe ou te manatua uma tali o fesili sa a’oina ile fale.  Ou te manatua le tele o tusi sa iai i fata tusi i totonu ole ofisa, faatasi ai ma Tusi Paia tetele ma laiti, faaPalagi ma le faaSamoa.  O le fesili muamua ole toeaina na fesili mai ia te a’u, “Aisea e te fia fa’aEkalesia?”.  Sa ou tali atu ile tali na a’oa’o mai e lo’u tama ile fale, “Ou te fia fa’aEkalesia, aua ou te fia avea ma se tasi ole fanau ole Atua.”  Na nofo i tua le toeaina i lona nofoa, mafaufau mo sina taimi pu’upu’u, e pei e mafaufau i lo’u tali pe sa’o pe leai.  Ae saunoa mai le toeaina, “Ia……. manaia.  Lava na fesili.  Ta o e fai le to’ona’i”.   Na ataata lemu le toeaina ma savali ese mai le ofisa. Ou te ata pe a ou mafaufau i uiga malie o si toeaina.  A o’o foi ile faiga ole sauniga lotu, ile teuga falesa i lena vaitaimi, na tautau ni uati se lua i luma ole falesa.  Ma ole masani lava ole toeaina ile taimi e fai ai lana lauga, a o’o lava ina ta tutonu le 12 ile aoauli, e ui lava ina ua le uma lelei lana upu folafola mo lena Aso Sa, ae e saunoa mai, “Ia, ua ta le sefulu lua. Lava lea lauga.”  Sa avea ma masani foi, pe a o’o ile taimi e maua ai le alofa ole faifeau, ona tufaina atu e si toeaina, le ta’i lima ma le ta’i sefulu tala i tamaiti o lo’o gasolo atu ile maota ile galuega.  O aga alofa nei ole toeaina ae maise le alofa i tamaiti e fa’agalogata.
Sa fai foi le fa’aili pu a le matou aulotu.  O le fa’aili pu lenei na amata ile 1990-1992.  Ou te le mautinoa lelei po’o le a le mafuaaga na amata ai lenei vaega ole Ekalesia, ae na fetaui lelei le faatuina o lenei fa’aili ma le tele o fa’aipoipoga sa feagai ma le matou Ekalesia i lena vaitaimi.  Sa to’atele foi sui o aiga na ofoina mai lo latou alo ma fanau, ina ia auai mai i lenei fa’aili.  Sa ta’ita’iina lenei fa’aili ele susuga ia Iosefa Kuresa Rasmussen.  O lona tama sa fatuina le musika ma upu ole vi’i o Samoa.  O nisi o faaipoipoga sa taina ai lenei fa’aili, o le fa’aipoipoga o Mereseleisa To’omata, Sayonara Faamausili, Susana Purcell ia Harry Lole, Rosie Brown ma Helen Ah Toon i le E.F.K.S. Papakura.  Na tata foi le fa’aili pu i manuao, e femalagaa’i solo i Aukilani e tata mo aiga ole Ekalesia ae maise lava nisi sui ole Ekalesia o lo’o gasegase ma e le lava mai i sauniga.  Sa tata foi le fa’aili ile faamanatuina ole 21 tausaga o ta’aloga o Autalavou Tu’ufa’atasi o le Matagaluega Aukilani i le tausaga 1991 i Grey Lynn Park.  O se faanoanoaga lava, ae e le’i umi ona mae’a lenei faamoemoe fiafia, ona sui le paka na fai ai ta’aloga i Keith Hay Park i Mount Roskill, se’ia o’o lava ina feagai le pulega ma ta’aloga ae e le’i o’o ile siamupini o siamupini i ta’aloga ole matagaluega.
Na maliu Siaosi Ieriko ile tausaga 1993.  Sa ou ili le pu usu ile taimi na tuuina atu lona tino maliu i lana tu’ugamau.  E fa’agalogata le toeaina na ta’ua uma e matou sa ola i totonu o E.F.K.S. Aukilani o DAD. 
Laau Ioritana Tanielu - O lo’u faifeau lona lua – E.F.K.S. Grey Lynn
O le atiina’e o lo’u ola fa’aKerisiano sa faamautuina ile o’o mai ole susuga ole Toeaina Penisione ia Laau Ioritana Tanielu ma lona faletua ia Dr. Lonise Sapolu Tanielu.                                       
Na taunu’u mai Ioritana ma Lonise i Setema 1992, a’o tapena e matou tamaiti matutua ole Aoga Aso Sa mo le suega faaiu tausaga ole malo.  O ni lesona taua o lo’o maua mai ia la’ua, o le auauna ile Ekalesia ma le faamaoni i so’o se lala e te auai ai.  E ui ina ua amata ona tau le fa’aSamoa tamaiti male tupulaga ona ole gasolo pea o a’oa’oga i tulaga maualuluga ole Iunivesete, ae e le mafai ona galo le fa’atauaina ole gagana Samoa, ina ia ola ma fa’asolo pea i a tatou fanau, ma fanau o fanau.  Sa lagolago lava le Ekalesia ile faatuina ole a’oga amata ina ia a’oa’o le fa’aSamoa i tamaiti ole Ekalesia, faatasi ai ma le faatuina ole homework centre, ina ia iai se avanoa mo tamaiti e fai ai ni a latou mea a’oga, ma fesoasoani ai tama fanau o lo’o maua ni faailoga maualuluga i le fanau iti o lo’o gasolo pea i aoga ole malo.
O le isi mafutaga e le mavae ona mou ese ma mafaufauga o tupulaga talavou o le matou tupulaga, o lo’o fai aiga foi, o le Autalavou Laiti.  O mafutaga ma vaega faapenei e maua ai le fesootaiga o le tupulaga ina ia ola ia Keriso ma maua foi ni lesona taua i taimi o aoga Tusi Paia, ma fesootaiga ma le Autalavou Matutua ile a’oa’oina ole folafolaga o ‘ava, mea taumafa i taimi o to’onai, sula toga male tali toga, fa’asologa ole ‘ava – o nai lesona taua o le tatou atunu’u e tatau ona maitauina ma tauloto ai le fia afe o tupulaga o Samoa o lo’o salalau i Ekalesia e fia o le tatou lotu  ile lalolagi atoa.
E le uma lava le faafetai ile paia o le aufaigaluega ua mae’a ona tau mo le taua lelei ma talai le Tala Lelei.  Ia saga faamanuia pea le Atua i lo tatou Ekalesia, ia saga tuputupu a’e pea.
Toe upu
O nai manatu faapitoa e nofo pea ia te a’u, teu pea i lo’u loto, mai lo’u talavou, se’ia o’o lava i lo’u tama’i tiakono i lenei vaitaimi, e pei o upu mo tupulaga talavou o lo’o faitau i lenei tala:
·         ‘Aua e te liu lotu.
A iai se mea e te fia malamalama ai e uiga i tulafono ma le faavae ole tatou Ekalesia, fesili ile faifeau mo se fesoasoani, saili se faifeau toeaina e fa’amatala atu ai le mafuaaga e faapea ma faapea talitonuga ole E.F.K.S.  O faaiuga uma o Fono Tele, e maua mai ai tulafono ma iuga fono e tausisi uma e le Ekalesia ile lalolagi atoa. 

·         Tautua ma le faamaoni.
Taumafai e te auai i faalapotopotoga uma ole Ekalesia, e te maua ai le fiafia, ma ia maua le soifua auauana.  ‘Aua e te faapea se’ia o’o i taaloga o Autalavou ona fa’atoa e toaga mai ile lotu.  Ia e auai i le aufaipese ma le Aoga Aso Sa (faiaoga Aso Sa!)

·         Toaga e tautala ile fa’aSamoa.
E ui ina fanau tatou tupulaga i Ekalesia i Niu Sila, Ausetalia, Amerika ma Hawaii, ae o le tatou gagana, o le gagana Samoa.  O le mafuaaga lea ona faatuina le uluai Ekalesia i Niu Sila, ina ia maua se tapuaiga e fa’aaoga ai le tatou gagana.  Sa lagona nai tama ma tina ile amataga o lenei Ekalesia, e mamalu le tapuaiga i le latou lava gagana na soifua ma ola mai ai ile tatou atunu’u o Samoa.
A tau le lelei lou fa’aSamoa, taumafai pea.  E le mafai ona lelei se mea, pe a le tauivi ma punoua’i i ai.

·         Fai galuega sili.
I le atunu’u lenei o Niu Sila, e iai lava pea le avanoa o tama fanau o le E.F.K.S. e fai galuega sili e le gata ina ta’u lelei ai le tatou Ekalesia, ae ia fa’aaoga ai taleni, poto male malosi na ola ma puna mai i lo tatou Ekalesia.  O mea lelei e maua mai ile ola i totonu ole tatou Ekalesia, e aoga uma mo le atiinaeina o lenei atunu’u o Niu Sila.

Ua atoa nei le uluai 50 tausaga ole E.F.K.S. i Niu Sila. O a nisi miti o lo’o tatou maua mo leisi 50 tausaga? Galue nei mo a tatou taeao.
Taemanuolo Pulumelo Faaea-Semeatu – faipese, faiaoga Aso Sa, tiakono, E.F.K.S.


Mau a EFKS Grey Lynn sa ou ta'ita'iina
mole Lotu o le Au Taumafai a le Pulega Waitakere
Masina o Aukuso
Matagaluega Aukilani Mātū

AUĀ AI SĒ FIA FA’A-SAOGALEMUINA LONA OLA, E MAUMAU AI IA TE IA,
A O LĒ FAAMAUMAU I LONA OLA ONA O A’U, E FAASAOINA E IA.” 

FA’ATALOFA ATU I LAU SUSUGA O LE TAITAI O LE SAUNIGA, LAU SUSUGA LE TAMĀ O LE PULEGA MA LE FALETUA, MAMALU O LE AUFAIGALUEGA PAIA MA OUTOU FALETUA, USO A MĀLŌ O LO’O ASIASI MAI, SUI O KAMUPANI TAITASI, AE MAISE LE MAMALU A LO TATOU NU’U O WAITEMATA UA POTOPOTO MAI – ONA O LO TATOU NAUNAUTAIGA - E TUSA MA LE TAUTINOGA A LE AU TAUMAFAI KERISIANO – IA TATOU TAUMAFAI E FAIA MEA UMA E TUSA MA LE FINAGALO OLE ATUA. 
OU TE FAAFEILOAI ATU ILE SUAFA MANUMALO A LO TATOU ALII –
IA FESOASOANI MAI LE ALI’I I LO’U TAUMAFAI.

O LE MANATU AUTU E MAUA MAI ILE TUSI FAITAU MOLE ASO 24 AUKUSO – MAI LE FEAGAIGA FOU, LUKA MATAUPU E IVA, FUAIUPU 24:

AUĀ AI SĒ FIA FA’A-SAOGALEMUINA LONA OLA, E MAUMAU AI IA TE IA,
A O LĒ FAAMAUMAU I LONA OLA ONA O A’U - E FAASAOINA E IA.” 

FOR WHOEVER WANTS TO SAVE THEIR LIFE WILL LOSE IT,
BUT WHOEVER LOSES THEIR LIFE FOR ME WILL SAVE IT

UA VAEVAEINA LENEI MANATU AUTU I VALA NEI E TOLU:
1)  LE FAATINOINA O LE “TULAFONO OLE NATURA” – “O E UMA E FIA FAASAO LE OLA E MAUMAU”
2)  O LE FA’AAUAUINA O LE “TULAFONO OLE ALOFA” – A O LĒ FAAMAUMAU LONA OLA ONA O A’U
3)  O LE TAUI O LE “TULAFONO O LE ALOFA TUNOA” – E MAUA E IA.

AE O LE VALA FAAPITOA MO TUPULAGA TALAVOU E FAAPEA:
4)  E FAUTUAINA LE TALAVOU IA TAPASA LONA OLAGA I TULAFONO E TOLU UA TĀ’UA.

O LO’O FA’AMAU ILE TUSI PAIA NISI VAEGA E TA’UTA’UA AI ITUAIGA TULAFONO – E PEI O TULAFONO E SEFULU O LO’O FAAMAU ILE ESOTO MATAUPU 20.  O TULAFONO MUAMUA E LIMA E FAAILOA AI LE VA O TATOU MA LE ATUA, A O TULAFONO E ONO SEIA O’O ILE SEFULU – O TULAFONO E FAATATAU I LO TATOU VA MA TATOU USO A TAGATA.

AE SE’I TATOU ILOILO MUAMUA VALA TAITASI, INA IA MAUA SE ATA MANINO E UIGA I TULAFONO – O LO’O FA’AMAMAFAINA MO LENEI MAU.

1.   TULAFONO OLE NATURA
O LE FAATINOINA O LE TULAFONO OLE NATURALAW OF NATURE OR NATURAL LAW - O Ē UMA E FIA FAASAO LE OLA - E MAUMAU – FOR WHOEVER WANTS TO SAVE THEIR LIFE WILL LOSE IT. 
A TATOU MAFAUFAU ILE TULAFONO LENEI – E FOLIGA O SE VAIVAIGA LEA O TAGATA ILE LALOLAGI, AUĀ O LE FAAUIGAGA O LE UPU NATURA I LE FESOOTAIGA MA LE MANATU AUTU – O LE ESEESEGA LEA O TAGATA – O LE ESEESEGA LEA O TATOU MA LO TATOU VA MA LE ATUA – O LE MAFUAAGA LEA SA SAUNI AI TULAFONO E SEFULU.   O LE AGASALA LEA I LUMA OLE ATUA - E SILI IĀ TATOU - LE FA’ATĀUAINA LE FAAMUAMUA O  LO TATOU LAVA OLA I LE TASI ITU – AE I LEISI ITU – O LO’O FAAMUAMUA E LO TATOU MESIA – LO TATOU FAAOLATAGA.  E LEAI SEISI OLA E SILI NAI LO LE OLA E FAAVAVAU.
O Ē UMA E FIA FAASAO LE OLA - E MAUMAU –
FOR WHOEVER WANTS TO SAVE THEIR LIFE - WILL LOSE IT. 
O LE TUSI MAI LE EVAGELIA O IOANE MATAUPU 25, FUAIUPU 12 – O LO’O FAAMATALA MAI LE TULAGA LEA.  **GREY LYNN FAITAU**
E LĒ TATAU ONA TATOU MANATU TASI MA MANATU FAAPITO – E PULE LAVA TATOU I LO TATOU OLA, AE MAISE LAVA LE MANUMANU I LE TAUPULEGA A LOT TATOU GALUEGA, TIUTE MA TOFIGA.  IA AOGĀ LOU OLA – E TE OLA AI E FAI MA TA’IALA MO NISI, IA FA’AAOGA LOU OLA E TAUTUA FAAMAONI, IA MANATU I MEA E TE FAIA E MANUIA AI NISI A OU USO A TAGATA – E LEAI SE AOGĀ E TE FIA FAASAO LOU OLA  - AE E TE LE FA’AAOGĀ LOU OLA E FAASAO AI NISI – PEI O IESU.
IA FESOASOANI MAI LE ALII I LOU TAUMAFAI.
IA FESOASOANI MAI FO’I LE ALII - I LO’U TAUMAFAI.

2. TULAFONO OLE ALOFA
O LE FA’AAUAUINA O LE “TULAFONO OLE ALOFA” – A O LĒ FAAMAUMAU LONA OLA ONA O A’U – BUT WHOEVER LOSES THEIR LIFE FOR ME.

O LE FA’AAUAUINA O LE “TULAFONO O LE ALOFA”  - E PEI O SE LU’ITAU LENEI MO TATOU -  O TAGATA KERISIANO. 
A TATOU MAFAUFAU LOLOTO I LE FOAI SILI O IESU MO I TATOU – O LE OFOINA MAI O LONA SOIFUA, SA MALIU FA’ALAVA’AU TIGA, I LUGA O LE SATAURO MATAGĀ MO LE TOGIOLAINA O TATOU AGASALA.
O UPU FA’AMAMAFA  - TIGĀ, MATAGĀ MA LE AGASALA.
O LE FESILI: E MAFAI EA ONA TATOU FA’AAUAUINA LENEI GALUEGA O LE ALOFA, E FAI MA TULAFONO O LE ALOFA?  E MAFAI ONA TATOU TAUAVEINA FO’I LENEI LU’ITAU I LA TATOU SAVALIGA –
E TAUMAFAI E FAIA LE FINAGALO OLE ATUA?

O LE TUSI O MATAIO MATAUPU 10, FUAIUPU 38, O LE Ā FAITAUINA E GREY LYNN – E MANINO MAI ILE TUSI NEI – LE MAFUAAGA E TATAU AI, ONA FAAMAUMAU LO TATOU OLA ONA O IA - AUĀ - O LE FINAGALO LEA O IESU MO I TATOU; INA UA FA’AMAUMAU LONA OLA MO I TATOU.  MATAIO 10, FUAIUPU 38 -  *GREY LYNN - A MAUA FAITAU*

* THE GOSPEL ACCORDING TO MATTHEW, CHAPTER 10 VERSE 38 – SPEAKS TO US ABOUT “TAKING UP OUR CROSS”.  THIS IS THE CONTEXT FOR THE MESSAGE THAT GREY LYNN IS PRESENTING TODAY. IT EMERGES FROM THIS BIBLE VERSE: AND HE WHO DOES NOT TAKE UP HIS CROSS AND FOLLOW ME IS NOT WORTHY OF ME.
* WE SOMETIMES FORGET IN OUR DAILY LIVES, THE GRAVITY AND THE IMMENSE SACRIFICE THAT JESUS MADE FOR US – TO DIE A LONG, SLOW AND TORTOROUS DEATH ON THE CROSS – TO CLEANSE OUR SINS, TO SAVE OUR SOULS THROUGH HIS BLOOD AND HIS RESURRECTION. 
* WHAT ACTS OF LOVE CAN WE CONTINUE TO EXPRESS – THAT WE CAN ASPIRE TO, DARE TO DREAM ABOUT AND FUNDAMENTALLY ACHIEVE   IN THIS LIFE?
MAY THE LORD HELP YOU IN YOUR ENDEAVOURS
MAY THE LORD HELP ME TOO - IN MY ENDEAVOURS.

3. TULAFONO OLE ALOFA TUNOA
O LE TAUI O LE “TULAFONO O LE ALOFA TUNOA” – E MAUA E IA.

A SAILIA E SE TASI LE TAUI – E FAATINO AI NI GALUEGA, INA IA MAUA LE TAUI.  A O Ā NI ITUAIGA GALUEGA TATOU TE FAIA - E FETAUI MA LE TULAFONO O LE ALOFA TUNOA?

O LE ALOFA TUNOA – PAU LAVA LEA O LE ITUAIGA ALOFA E LE O SE MEA E TUPU FUA, E LE OSE ITUAIGA ALOFA E TAPUNA MAI AI I TAGATA I LE LALOLAGI.  O LE ALOFA TUNOA – E ONA E LE ATUA – O IA LAVA, NA’O IA LAVA TO’ATASI E ALOFA FAAPENĀ MO I TATOU.  E LĒ TAITAI, E LĒ MAFAI, E MAMAO LAVA LE TULAGA, E LE TAITAI ONA TUTUSA – LE ITUAIGA ALOFA O TAGATA O LE LALOLAGI – MA LE ALOFA TUNOA A LE ATUA. 
O LE FA’AALIGA SILISILI, O LE FAATINOGA O LE ALOFA SILISILI A LE ATUA MO I TATOU – O LE AUINA MAI O LANA ALO PELE O IESU KERISO MO LE TOGIOLAINA O TATOU AGASALA.

I LE TUSI O MAREKO MATAUPU 12, FUAIUPU 29-30 O LO’O FAAMAU AI LE TALI A IESU, ILE FESILI O SE TASI O LE AU TUSIUPU.  OLE FESILI: PO O IFEA LE POLOAIGA E SILI I POLOAIGA NEI.  *GREY LYNN – FAITAU LE TALI*

E TASI LAVA LE ATUA – IA E ALOFA FAAMAONI IA TE IA – E SILI ATU I LOU ALOFA I LOU TO’ALUA, LAU FANAU, FANAU O FANAU, USO, TUAFĀFINE, TUAGANE – E LEAI LAVA SE TASI E TUTUSA MA LE ATUA.

O TULAFONO FAA-AURO LENEI – FAATASI AI MALE FUAIUPU – 31 O LENEI LAVA TUSI FAITAU *GREY LYNN – FAITAU MAI LEISI TULAFONO FAA-AURO MAREKO 12: 31– A MAUA FAITAU*

IA E ALOFA I LĒ LUA TE TUAOI, E PEI O OE LAVA IA TE OE – E LEAI LAVA SE TASI POLOAIGA E SILI I NĀ POLOAIGA.

A TATOU FAAVASEGA VALA UMA NEI, TULAFONO OLE NATURA, TULAFONO OLE ALOF, MA LE TULAFONO O LE ALOFA TUNOA – E LĒ NA O TUPULAGA  TALAVOU E FAUTUAINA AI INA IA TAPASA LE LATOU OLAGA I TULAFONO E TOLU UA TĀ’UA – O TATOU UMA LAVA.

AUĀ AI SĒ FIA FA’A-SAOGALEMUINA LONA OLA, E MAUMAU AI IA TE IA,
A O LĒ FAAMAUMAU I LONA OLA ONA O A’U - E FAASAOINA E IA.” 

FOR WHOEVER WANTS TO SAVE THEIR LIFE WILL LOSE IT,
BUT WHOEVER LOSES THEIR LIFE FOR ME WILL SAVE IT

O OE FO’I I LAU EKALESIA.
O A’U FO’I I LA’U EKALESIA.
IA FESOASOANI MAI LE ALII I LOU TAUMAFAI
IA FESOASOANI MAI FO’I LE ALII I LO’U TAUMAFAI.

O OE FO’I I LOU NU’U.
O A’U FO’I I LO’U.

O LE Ā FAAMAUTŪINA LE MAU A GREY LYNN I LE PESE 363

**PESE 363**

IA MANUIA LOU SUSUGA LE TA’ITA’I,
IA MANUIA MATUA O LE PULEGA MA LE AUFAIGALUEGA.
IA MANUIA FOI SUI O LO’O MOLIMAUINA I MATAUPU O LENEI MASINA.

IA MANUIA TATOU UMA O LO’O TAUAVEINA LENEI GALUEGA OLE TAUSISI I TULAFONO FAA-AURO – I LENEI GALUEGA FA’AUAU – OLE AU TAUMAFAI.
__________________________________________
O le ā le lumanai o le tatou gagana?


E iai lava le popolega o tagata matutua, ua afu lo latou soifua, ina ia mafai ona maua se lumanai manuia mo a latou fanau.  O le faailoga o le aganu'u - o le gagana.  A faapea e mumusu le fanau e toa'aga e tautatala ile fa'aSamoa, ae fa'atāuaina le fenunui - o le ā le lumanai o le tatou gagana?

Matua
O le talitonuga lava o tagata Samoa - o le uluai faiaoga o se tamaitiiti Samoa - o ona matua.
Ae o lo'o faamau nei i nusipepa i tala o lo'o faasalalau mai - o le lē faamaoni o matua e tausi o latou fanau.  A faapea e lē faamaoni matua i le tausiga o a latou fanau, ae e faamuamua le sauaina, ma le soona fasi - e le i'u lelei le olaga o se tamaitiiti - e foliga mai i nisi tala o lo'o faasalalau mai i nusipepa - e i'u faafuase'i le olaga o tamaiti ona o le oti.

A e le fa'atāuaina le a'oa'oina o le gagana Samoa e matua i o latou fanau ona o le 
a) tuulafoai le a'oa'oina faalelei o a latou fanau
e) faamuamua nisi tuinanau o le olaga e fa'aalu ai tupe ma ma'imau ai le malosi
i)  o le lē lava foi o le malamalama ile gagana Samoa e a'oa'o ai o latou fanau
o) e le toaga e faafeiloai tamaiti ma tagata i aiga o lo'o maua ai avanoa e talanoa ile gagana Samoa male 
u) ona o nei mou faamatalaga ile mata'itusi ole a seia o'o ile o - ua mumusu ai le fanau e tautala ile gagana Samoa.

E eseese foi le ituaiga gagana Samoa o lo'o tula'i mai foi.
E mafua mai ai ile fenumia'i faatasi ole Igilisi ma nisi gagana ma maua ai nisi upu fa'aleonapo nei.

O le fesili:  E atoatoa lā le ta'ua o oe ose tagata Samoa - pe a e le iloa e fa'aSamoa?

E le a'afia ai fua nai uso a tagata o lo'o taumafai lava e a'oa'o le gagana Samoa i vasega ma fale a'oga o lo'o faia lenei galuega taua - ae mo nisi uso e ta'ua lava i latou o tagata Samoa - ae e mumusu e tautala fa'aSamoa - e tatau ona toe liliu lo latou tofā.  E tatau ona silafia - o se tasi o mea sina lava lea o Samoa - e lē o le taina o le pe'a, tatau, malu - ae ia tautua ile atunu'u i upu Samoa - ia iloa tautala, ia iloa le savali, tu, nofo ma le matamata lelei - ia maua ai ni mea aogā.

O le lumana'i o le tatou gagana - e tua'i lava i tagata Samoa lava.
O le ā sou galuega e fai e avea ai le gagana Samoa ma pine faamau i lou olaga?
_____________________________________________________________
O le Pi Tautau - e tumau le faavae, ae fesuia'i le faiga
(se'i faia fo'i se tala ula, ua leva fo'i le afiafi)

A - Apu - le ituaiga masini o lo'o manana'o uma tamaiti, e vinavina ai i o latou matua ina ia faatau.

E - Eletise - o se tagata taua ile vaaia faalelei o le paua o se aiga, ne'i te'i ua tipi fo'i le paua

I - iFoni - (hahahahaha) le telefoni feavea'i taugata o lo'o fa'aaoga e tagata mai le kamupani o Apu

O - Okesone - e tatau ona faatauaina le mānava loloto o le okesene, ona e fai sina televave ole olaga nei

U - Upega Tafa'ilagi - o lea ua masani ai tagata Samoa ile feoa'i ile upega tafa'ilagi e feso'ota'i ai ma aiga ma uo.

F - Fualaau - e tatau ona toaga e taumafa i fualaau ile faiga o kuka e maua ai le soifua maloloina

G – Gaioi – ua fai sina televave o le olaga, e lē nofo filemu lava tagata ae o lo’o gaioi i taimi uma

L – Lelavā – ua fai sina televave o le olaga, o lo’o lelavā fo’i taita (haha)

M - Moavao - e lē toe fa'aaoga sapelu ae e fa'aaoga moavao e sasa ai ile vao 

N – Nusipepa – o lo’o faitau lava nusipepa, ae e mafai ona faitau i luga ole upega tafa’ilagi

P - Pu'eata - o lo'o fiafia lava tamaiti e fa'aaoga latou pu'eata e pu'e ai latou ata (ae e le faitau tusi)

S - Samasuni - le kamupani o lo'o maua mai ai telefoni feavea'i, tv, masini tāmea ma nisi foi masini

T - Tupe - e oi ai tagata pe a le lava le tupe, a maua foi le tupe, e vave foi ona sola

V – Vaipa – e fiafia lava tagata e fa’aaoga le Vaipa e vili fua, e leai se tupe e alu ai, i le vili atu i o latou uo ma aiga

H – Herota – sa manatu lava o ia o le tupu o tagata Iutaia (leai, silasila ane ile mata’itusi e soso’o)

K – Keriso – e ui ina e televave le olaga nei, ae e tatau ona fa’aavanoa pea le taimi e mafaufau ia Keriso ma manatua le togiolaina o tatou agasala ona o lona alofa fua ia te i tatou


R – Rapiti – o le tupuga mai o mea fou ona ole alualu i luma o le soifuaga, ma masini fou, e pei o rapiti – e vave toe to’atele le tuputupu a’e. . .
___________________________________________________________________________________
E tatau ona malamalama e a'oga - e atamamai tamaiti Pasefika


Sa faia lo'u su'esu'ega mo lo'u faailoga ole Masters of Professional Studies (Education) ile Iunivesete o Aukilani ile tausaga 2011-2012.  O se su'esu'ega sa mafua mai ai i lo'u talitonuga o tamaiti Pasefika e atamamai, ae e lē lava le silafia o a'oga o le mālō i taleni o tamaiti Pasefika i totonu o latou aiga ma aiga potopoto, ekalesia ma pitonu'u.

O faamauga a le su'esue'ga, sa faailoa mai e tamaiti Pasefika, o le taua o lesona taua mai o latou matua e ala ile fa'aaogaina le Gagana Samoa, lea fakaTonga, reo Kuki Airani i latou aiga, ina ia faamautuina le taua o gagana ma aganu'u o le latou atunu'u taitasi ile Pasefika.

E sefulu ni faailoga faaleaganu'u sa fesili iai i tamaiti Pasefika sa avea le mataupu ole musika i latou aoga.


Mo le faafofogaaga i nisi fa'amatalaga i nei faailoga faaleaganu'u e sefulu, faafofoga mai ile tautalaga lenei 





O lo'o iai foi nisi tautalaga ile gagana Samoa e mafai ona e faafofoga i ai - sa faaliliuina mai tautalaga faaPeretanie ua uma ona faasoa atu.

___________________________________________________________________________________
E le tatau ona faatamala ma manatu māmā - ia palota uma tatou ile Faiga Palota '14


O lo'o pisi lava sui uma o pātī mo le Faiga Palota i Aotearoa mo lenei tausaga.
I le faiga palota talu ai, sa to'atele lava tagata Niu Sila e le'i fa'aaogaina lo latou aiā tatau ina ia palota.
Mo tamaiti uma ua i'u mai le aoga maualuluga - o le latou avanoa lenei e faatino se galuega taua ae maise lava se sao po'o ai e tatau ona taitaiina lo tatou atunu'u mo le 3 tausaga o lo'o luma nei.

Ae o le fesili - o ai e tatau ona tatou palota i ai?
O se faataitaiga faigofie e tali ai lenei fesili - e tatau ona faia lava le su'esu'ega a le tagata lava ia.
E tatau ona faitau lelei po'o ā ni talitonuga taua o lo'o faasalalau mai e pātī taitasi ina ia mafai ona fai ni filifiliga tonu mo oe, lou aiga, ma tagata uma.  Atonu i nisi masina o lo'o totoe, o le ā manino lava mole atunu'u po'o le ā le itu e tatau ona palota aga'i e tala feagai ma talitonuga a le tagata lava ia.
___________________________________________________________________________________
E faigata le galulue faatasi, pe a faapea e lē faamaoni le loto alofa i tatou uso a tagata


O lo'u galuega e telē lava le avanoa e feso'otai ma mafuta ma tagata Samoa, ae maise lava tagata Pasefika i totonu o Aotearoa nei - i tulaga lava lea o le fa'aatiinaeina o le a'oa'oga o alo ma fanau Samoa ma Pasefika.  

Sa filifilia a'u e fai ma ta'ita'i a le matou vaega Pasefika i totonu o lo matou galuega, ma e tele foi avanoa e mafuta ai le matou aufaigaluega ma pule, pulelua, suipule ma faiaoga o a'oga maualuluga, a'oga feololo, a'oga amata ma a'oga fa'ata'ita'i. E lē gata i tagata Pasefika matou te fesoasoani, ae e sili lava lo matou fa'atāuaina o tagata o lo'o a'oa'oina tamaiti Pasefika - auā e le fa'apea na o tagata Pasefika o lo'o a'oa'oina tatou alo ma fanau - ae o faiaoga mai nisi foi atunuu eseese pei o faiaoga ua malaga mai fafo ma ua nofo mau ma faigaluega nei i Niu Sila - pei o faiaoga ma Kanata, Amerika, Aferika i Saute, Ausetalia ma nisi foi atunu'u mai Europa.

I lo'u lava maitauina i lo'u galuega o le asiasi i a'oga ma fesoasoani i tagata o lo'o feagai male a'oa'oina o alo ma fanau ole Pasefika - e faigata le galulue faatasi, pe a faapea e lē faamaoni le loto alofa i tatou uso a tagata.  Aisea e faapea se manatu?

O mafuaaga ua tulai mai le manatu lenei, ona o tulaga nei:

1. E lē fa'atauaina le alualu i luma, po'o le atiinaeina o a'oa'oga o le fanau.
O nisi tagata e lē faamaoni ile aoaoina o le fanau, ae e manatu, e tatau ona ō ese ma le a'oga ma su'e se galuega.  Ou te talitonu, o se faamatalaga e lē tala feagai lenei.  E tatau ona tu'u pea le avanoa i fanau e sailimalo pea ile a'oga, ina ia iloa tauivi ma galue faamaoni mo se manuia o lo latou lava olaga.
E lē mafai ona iloa le tamaitiiti se mea lelei, pe afai e vave musu e su'esu'e atili.  
E tatau ona talanoa lelei matua ma fanau, e una'i ina ia fesili i faiaoga mo le fesoasoani ina ia malamalama mea o lo'o a'oa'oina i totonu o vasega - o le galuega lava lenā o le faiaoga - ia a'oa'o faalelei le fanau.

2. E leai lava se fealofani auā e aliali mai le loto leaga
E iai lava le fa'ama'i lea o tagata Samoa - e taumafai lava leisi e fa'aleaga le galuega a ona uso a tagata. Ana faapea e alu foi sina malosi o le tagata e loto eleelea e taumafai foi ina ia fai sana galuega lelei - e leai lava se mea e aiā fua ma tau fa'aleaga le galuega lelei a isi.  
O se fofō foi o lea faafitauli - talanoa ma le tagata o lo'o faia le galuega lelei, ina ia maua foi ni ou manatu lelei ma galulue faatasi, ina ia maua le felagolagoma'i ae maise le teu fa'atamālii, tausi pea lou mamalu ma ia iloa ai oe ole Samoa moni - e loto alofa i tagata uma.

3.  E tuputupu pea le faasinolima, ae lē faamamafaina le u'ulima
A iai se mea e faaletonu i totonu o se mafutaga, o aga lava o tagata Samoa, e vave ona faasinolima i leisi tagata, ae lē saili se auala ina ia faaitiitia le faafitauli ina ia maua se iuga lelei.  Fetagofi e u'u le lima a lou uso, lou tuagane, lou tuafafine, ina ia galulue faatasi ma ia maua se mea lelei, se lumanai manuia, ae maise lava ia tausisi pea e tatou le tulafono paia a lo tatou Atua ua tatou ola mai ai, talu ona talia le Tala Lelei i lo tatou atunuu pele.

Toe manatu: Fa'asa'o mea sesē, 'aua le fefe e tautala i le mea moni, ma ia lagolago pea ile Atua, ae e lē o lou lava atamai. 
_________________________________________________________________________________
Sauniga Lotu Au Leoleo - Aso To'ona'i 14 Iuni 2014, Aukilani, Niu Sila

O SINA FESOASOANI LENEI MOLE MATAUPU UA FEAGAI MA TATOU I LENEI ASO. 
7. OLE LAUGA ILE SUAFA OLE ATUA LE TAMĀ, LE ALO MA LE AGAGA PAIA, AMENE.

O LE MANATU AUTU E MAUA MAI ILE TUSI SA TATOU FAITAUINA MAI LE FEAGAIGA FOU: 1 KORINITO MATAUPU MUAMUA, FUAIUPU 25:
AUĀ O LE VALEA OLE ATUA, E SILI LONA POTO I TAGATA; O LE VAIVAI FOI OLE ATUA, E SILI LONA MALOSI I TAGATA. (x2)

E LE MAFAI ONA TATOU MALAMALAMA ILE MALOSI MA LE POTO OLE ATUA. AISEĀ? AUĀ E GATA LO TATOU MALAMALAMA, E GATA O TATOU UPU E MAFAI ONA FAAMATALAINA MA MOLIMAU I AI.
 PAU LAVA LE MEA E MAFAI ONA TATOU FAIA – O LE TAU FAI OFO I LANA MALOSI MA LE POTO – TATOU FAITAU I AI I ANA AFIOGA PAIA, PESE I AI E ALA I VIIGA, FAALOGOLOGO I AI I UPU FOLAFOLA OLE FAAFEAGAIGA MALE AU FAIGALUEGA I ASO SA TAITASI – O AUALA UMA NEI E MAUA MAI E TATOU LAGONA I TOTONU O TAPUAIGA, INA IA AMATA ONA FAAPUPULA SE ATA ILE MALAMALAMA OLE MALOSI MA LE POTO A LE ATUA.

O LE AANO OLE TALA SA TATOU FAITAUINA, O LE LAUGA A PAULO ILE EKALESIA I KORINITO.  SA IA FAAMATALA IĀ I LATOU, LE TALITONUGA OLE AU TUSIUPU MALE AU FARESAIO – O IESU KERISO, E LĒ O LE ALO A LE ATUA – AUĀ SA FANAU MAI O IA ILE FALE O MANU I PETELEEMA. 
SA LATOU MANATU E AFIO MAI IESU ILE LALOLAGI ILE NOFOALII O LE TUPU O TAGATA IUTAIA - E PEI ONA VALOIA E LE PEROFETA O ISAIA.

O LE AU TUSIUPU MA LE AU FARESAIO – O TAGATA POPOTO – TAGATA ATAMAMAI – AE OLE FUAIUPU 19 OLE TUSI SA TATOU FAITAUINA, UA TUSIA OU TE FAAUMATIA LE POTO O Ē POPOTO, OU TE FA’ALEAOGĀINA LE ATAMAI O Ē ATAMAMAI. OSE FAAMATALAGA LENEI E FAASINO MAI AI IĀ I TATOU – LE FA’AAOGA SESĒ OLE POTO MA LE ATAMAI - UA TU’UINA ATU I NEI TAGATA, AE MAISE FOI, OSE TALA FAAMANATU MO TATOU - O LE VALEA OLE ATUA, E SILI LONA POTO I TAGATA; O LE VAIVAI FOI OLE ATUA, E SILI LONA MALOSI I TAGATA. SA PŪ MO’OMO’O LE MALAMALAMA O NEI TAGATA ATAMAMAI, O LE FINAGALO OLE ATUA, INA IA FOAIINA MAI O LONA ALO PELE E TOATASI E FAASATAUROINA O IA I LUGA OLE SATAURO – INA IA TOGIOLAINA AI O TATOU AGASALA. 
O LEISI MAFUAAGA SA LĒ MALILIE AI FO’I TAGATA ATAMAMAI A LE TUSI PAIA – O Ē SA ILOILOINA LE AFIO MAI O IESU MA LE TALA O LONA MALIU MALE TOETU - I LUGA O LE SATAURO – SA LĒ FIAFIA I UPU FAIGOFIE SA FA’AAOGAINA. 
A TATOU FAATUSA IAI, E PEI OSE TULAFALE E FETALAI AE E FA’AAOGA UPU FAI SO’O - E LEAI NI ALAGĀUPU PO O NI FA’AUPUGA LOLOTO E FA’AAOGA E FA’AALI MAI AI LE POTO OLE FOFOGA E TAUTALA.

OU TE TALITONU E LĒ O SE MANATU LEA E TATAU ONA TAOFI MAU I AI I TATOU, AUĀ E ESE LE TULAGA O LE TALA LENEI MA NISI TALA OLE TUSI PAIA E FAATAUAINA AI LE POTO – E PEI O TALA MAI LE FEAGAIGA TUAI E FAAPITO AUGAFA I LANA AUAUNA O MOSE – MA LE TUPU O SOLOMONA.
SA FAAMANUIAINA I LAUA E LE ATUA ILE POTO IA TAUTATALA MA FAI TONU LELEI, AE MAISE LAVA O LE USITAI I FINAGALO A LE ATUA – O AUAUNA FAAMAONI A LE ATUA.  I LE ISI ITU, E PEI FO’I O TALA MAI LE FEAGAIGA TUAI E FAAPITO AUGAFA I LE MALOSI A SAMASONI MA KOLIATA.  SA IAI LAVA VAIVAIGA O NEI TOA MALOSI – SA LĒ SILI ATU ILE MALOSI A LE ATUA.

OLE UIGA O LA’U TALA – E TĀUA TELE LE AOGĀ OLE POTO MA LE MALOSI.  AE OLE MEA E FAATAUAINA MA FAAILOA ATU MA LE MANINO - MA LE FA’AALOALO LAVA – E TATAU ONA·      
*  FA’AAOGA TATAU,
*  IA TALA FEAGAI INA IA FESOASOANI,
*  IA FESO’OTAI LELEI LE POTO MA LE MALOSI O TATOU - 
IA VIIA AI LE ATUA LO TATOU TAMĀ. 

E LĒ O LE POTO MA LE MALOSI INA IA FA’ALEAGA AI LO TATOU USO A TAGATA - PE TA’U ATU I AI – E SILI MAMAO ATU LOU POTO MA LOU MALOSI  IĀ I LATOU – LEAI  - E LĒ O LE FINAGALO LAVA LEA A LE ATUA. 
AE E FAATUPU MANATU: O LE Ā LE FINAGALO A LE ATUA? 
A O LE MĀLELEGA A IESU INA O LE Ā AFIO ILE LAGI –
“IA OUTOU FEALOFANI”.

CHRIST CRUCIFIED IS GOD’S POWER AND WISDOM.
FOR THE MESSAGE OF THE CROSS IS FOOLISHNESS TO THOSE WHO ARE PERISHING, BUT TO US WHO ARE SAVED – IT IS THE POWER OF GOD.
FOR IT IS WRITTEN: I WILL DESTROY THE WISDOM OF THE WISE, THE INTELLIGENCE OF THE INTELLIGENT I WILL FRUSTRATE. 
FOR THE FOOLISHNESS OF GOD IS WISER THAN HUMAN WISDOM, AND THE WEAKNESS OF GOD IS STRONGER THAN HUMAN STRENGTH.

LAST WEEK THE JUNIOR YOUTH PRESENTED A SKIT THAT FOCUSED ON THE QUESTION: ARE YOU A FAN OR A FOLLOWER OF CHRIST? 
IN THE CONTEXT OF TODAY’S MESSAGE – WE CAN’T BE A TRUE FOLLOWER OF CHRIST, IF WE BELIEVE THAT OUR HUMAN WISDOM AND HUMAN STRENGTH ARE HIGHER THAN OUR PURPOSE – OUR HUMAN WISDOM AND HUMAN STRENGTH ARE NO MATCH FOR GOD’S FOOLISHNESS OR GOD’S WEAKNESS. OUR LIVING GOD IS A MATCHLESS WONDER.

TATOU TE LĒ TAUVĀ MA LE ATUA.  E LĒ SILI LAVA LO TATOU POTO MA LE MALOSI I LO LE ATUA – E LĒ TAITAI ONA TUTUSA.
A FAAPEA TATOU TE MANATU FAAPEA, E FOLIGA TUTUSA LAVA TATOU MA LE SINI OLE FUAIUPU E 19 O LE TUSI FAITAU – E O’O INA FETAUI LAVA TATOU MA LE TO’ATĀMA’I A LE ATUA - OU TE FAAUMATIA LE POTO O Ē POPOTO, OU TE FA’ALEAOGĀINA LE ATAMAI O Ē ATAMAMAI.

E LE MAFAI ONA TATOU MALAMALAMA ILE MALOSI MA LE POTO OLE ATUA. AISEĀ? AUĀ E GATA LO TATOU MALAMALAMA, E GATA O TATOU UPU E MAFAI ONA FAAMATALAINA MA MOLIMAU I AI.

AUĀ O LE VALEA OLE ATUA, E SILI LONA POTO I TAGATA; O LE VAIVAI FOI OLE ATUA, E SILI LONA MALOSI I TAGATA.  AMENE

_________________________________________________________________________________

O le tofi tiakono - o ā ni mea e tatau ona e faia, ina ia filifili ai oe mo lenei tofiga taua?


Ou te lotu i se tasi o Ekalesia Faapotopotoga Kerisiano i Samoa iinei i Aukilani, Niu Sila.
O se tasi tofiga taua ua ou tauavea i totonu o lo'u Ekalesia - o le tofi tiakono.

Ae, o ā ni mea e tatau ona e faia, ina ia filifili ai oe mo lenei tofiga taua?
Sa leai lava so'u manatu e avea a'u ma tiakono.
Sa fai lo'u to'alua i lenā vaitaimi (sa maliu o ia ile tausaga ua mavae).

Sa filifili a'u ma nisi uso se to'alua i lenei tofiga faapitoa.
Sa ou malamalama i tulaga masani e faapea, o le tamā ose aiga e avea ma tiakono, ae ua filifili a'u e fai ma tiakono.  O le fesili sa ou momoli atu i lo'u faifeau i lenā vaitaimi,

"E mafai ona avea se fafine ma tiakono pe afai e iai lona to'alua?  
Ou te le iloa pe ua iai se tulaga faapea anamua?"

Ae sa tali lemū mai si faifeau toeaina, "Manu, ua leva ona e galue i totonu ole Ekalesia lenei.       
O le tofi lenei ole faailogaina o lou galuega ma lou soifuaga auauna mole Alii".

O ā ituaiga galuega e fai ma faailoga o le soifuaga auauna?
O le fa'aaogaina o taleni, poto ma le malosi ua foai fua mai e le Atua - ina ia toe faafoi ai le viiga ia te Ia.  Ia e avea ma faipese, faiaoga Aso Sa, tagata pese i le aufaipese, sui ole Autalavou, komiti eseese o lālā o le Ekalesia, ose tagata galue faamaoni.

E tele galuega o le tiakono i totonu ole Ekalesia:

1) O le auauna atu ile faifeau pe a tufaina le areto ma le uaina o le talisuaga paia i taimi o faamanatuga.


2) E asiasi tagata lotu o lo'o mau i maota gasegase e fai lotu ai, e lagolago ai ile faifeau ma le vasega o a'oa'o o lo'o taitaiina nei ituaiga sauniga.

3) E aoina le taulaga foa'i ole Ekalesia i Aso Sa taitasi 

4) Ta'ita'i le mafutaga tatalo o le Au Leoleo 

Ou te taitaiina le mafutaga tatalo o le Au Leoleo a le matou Ekalesia i le Aso To'ona'i 14 Iuni.
O le tusi faitau: 1 Korinito 1: 18-25
Manatu Autu: O le malosi ma le atamai o le Atua.

Ia tautua ile Atua ma lou Ekalesia, lou aiga ma uso a tagata i aso uma, ina ia maua ai le malosi ma le atamai o le Atua.

_________________________________________________________________________________
O le ā ni mea e mafai ona faia e matua e faalelei atili ai le a'oa'oga o a latou fanau?
Matua - ia fai se pa'aga ma le a'oga

E iai le aiā tatau o matua, e mafai ona susu ane ile faleaoga e feiloai ma le pule, suipule po'o le faiaoga o lou alo.  

E tele mea e mafai ona faatino e matua ina ia fesoasoani ai i faiga meaa'oga ole fanau, ae ua faapea le manatu, ia faaputuputu nei vala e tolu e faasoa atu ai, auā le lumanai manuia o fanau Samoa ma latou a'oa'oga.

1. Fesili ile faleaoga pe e iai se faiaoga Samoa o lo'o galue ile faleaoga
A faapea e te naunau ina ia e malamalama po o le ā le ituaiga lesona o lo'o faia i totonu ole faleaoga, fesili ile ofisa mo le suafa ose faiaoga Samoa e mafai ona oulua talanoa.  A faapea e leai se faiaoga Samoa, fesili ane mo se faiaoga Pasefika e mafai ona oulua talanoa.  A vaai mai le faleaoga e te naunau ina ia malamalama i mea o lo'o a'oa'oina, ma i le isi itu, e mafai ona iai sou sao i ni mataupu fa'aSamoa e fai ma fesoasoani i tamaiti uma ile faleaoga.

2. Ia fai sou pa'aga ma le faiaoga o lou alo
O le galuega o le faiaoga, o le a'oa'oina o tamaiti.  O le latou galuega fo'i, ina ia iai se feso'otaiga ma matua o tamaiti aoga.  I lo'u talanoaga ma faiaoga eseese i Niu Sila atoa pe a ou asiasi aoga, o le manatu sili lava lenei - e faigata ona maua se pa'aga ma matua o tamaiti, ona o le lē auai atu i fonotaga faapitoa o faiaoga ma matua.  E tatau ona sema se taimi - pe a faapea e te lē avanoa e auai atu i nei fonotaga e pei ona taua - e iai lava le faitalia, e iai ia te oe le pule, ae ia e feso'otai ma faiaoga i se taimi e tala feagai ma oe.  

3. A e iai ile komiti faafoe ole aoga - e tele lava lou sao ile taitaiina o le aoga ole fanau ile aoga
O se tulaga faapitoa lenei o lo'o taumafai lava ele Ofisa o Aoga i Aotearoa nei, ina ia una'i malosi i matua Pasefika ina ia tu'uina lo latou suafa ina ia lavea i faiga palota o le komiti faafoe (Board of Trustees) o le faleaoga.  Mo matua Samoa o lo'o manatu e lē o lava pe e lē atoatoa lo latou malamalama po o le tautala ile gagana Peretania - e leai lava o se afaina.  E taua tele lava lou sao, o ou manatu ose tagata Samoa, po o oe ose tinā po o se tamā.  A faapea fo'i ua e manatu e lē lava lou malamalama i fonotaga faapea, e maua lava le fesoasoani mai sui o lenei komiti faafoe ole a'oga i fonotaga taitasi.  O le masani lava o lenei komiti - e feiloai ile ta'i lua masina ile falea'oga.

O le autu sini o vala uma ia e tolu - ia fai se pa'aga ma le a'oga.

Ia e saunoa lava ma faiaoga, sui pule, ma pule o le aoga o lo'o a'oa'oga ai lou fanau.  A faapea ua e lē masani ona feso'ota'i ma le faleaoga - o le lu'i tau lenei mo outou matua.  'Aua ete faatali se'i tupu se fa'alavelave, ae ia e fesili i faiaoga, sui pule ma pule po o le ā tonu lo latou fesoasoani o lo'o fai ina ia maua le atamai ma le poto o lou fanau. 
_________________________________________________________________________________
E tatau ea ona ta'alo le au lakapi o Niu Sila i Samoa?

O se tala ua vave ona fa'asalalau solo ile lalolagi atoa, ona ole fa'atosina atu o si alii o John Campbell ina ia ta'aalo le au lakapi o Niu Sila ma le Manu Samoa i Samoa.

O se mataupu e foliga e faigofie ona maua ai se iuga lelei.  Ua tele foi manatu lelei ua faasoa mai e tagata uma, e amata mai i tagata o lo'o masani e fa'asilasila tulaga ole fa'agatama, seia o'o i tama ta'alo ma le mamalu o le atunu'u pele o Samoa.  

E pei ole mafuaaga tonu ua le amanaia o le pule ma le komiti faafoe o le NZRB le talosaga ina ia ta'aalo le au o Niu Sila i Samoa, ona o le lē lava ole seleni e faatino ai se ta'aloga i Samoa.

Ose faanoanoaga foi lea tulaga, ona ole toatele o tama fanau o Samoa sa ta'aalo mo le au o Niu Sila, ma o lo'o ta'aalo pea foi mo Aotearoa.  

E sili atu le faia ose polokalame e fesootai ai se Niu Sila ma Samoa e fa'alelei atili ai le fefa'asoaa'i o tolauapi mo tama fanau o lo'o manaomia le fesoasoani ile tulaga o galuega fa'agatama i Samoa, ina ia faatuputupua'e le atiinaeina o galuega mo le lumanai o fanau.

E le gata i lea - a o tulafono e tatau ona sui ma faafou ina ia mafai ona saoloto ai le ta'aalo ai o tama fanau i Niu Sila pe a faapea e ta'aalo mo Samoa.  E tatau ona faalelei ma faasao tulaga ia muamua e aogā ma sili atu mo le lumana'i o le faagatama lea o le lakapi i Samoa.

Atonu e iai se avanoa ile lumanai e ta'aalo ai Niu Sila i Samoa.  A mafaufau foi i ai, e foliga e faigofie pe augofie le auai atu o le Palemia o Niu Sila i Samoa mo le faamanatuina ole Tutoatasi o Samoa!

O le toe upu i lenei mataupu - se'i silasila mamao tatou tagata Samoa, po o le ā ni mea taua e tatau ona galulue aga'i ai, (suiga o tulafono) e sili ai le atinaeina o le ta'aloga auā se lumanai manuia o le fanau, ina ia tumau pea le tautua faamaoni.

_______________________________________________________________________________

O lo'u pa'aga ma le musika - ona o Iesu :-)

O le gagana Samoa o lo'u ulua'i gagana.
Sa ou manatua aso a o o'u laititi, o lo'u fiafia i pesepesega, mai le taimi sa ou alu ile Aoga Aso Sa i lo matou ekalesia seia o'o mai ile taimi lenei.

Na ou iloa ile vaitaimi sa ou alu faatasi ma o'u matua ile lotu, ou te manatua taimi e fai ai aoga pese.  Sa ou fiafia lava e fealua'i solo i totonu ole falesa a o faia aoga pese, ma ou faalogologo i pese ma pese faatasi ma sivasiva solo.  

O lo'u tamā sa iai ile vaega ole malū o le aufaipese.  Ou te masani ona ou nofonofo ile nofoa i ona tua ma pesepese i lona taliga.  Ou te manatua le liliu mai o lo'u tamā ma fai mai ia te a'u "E manaia lou usuga o le fati Manu.  E te maua lelei ile pese."  

Sa amata loa iina lo'u fiafia i pesepesega.

O o'u tuagane matutua sa a'oa'oina le la taina o le piano.
Ou te manatua fo'i lo'u fai ma faalavelave a o taina lesona e lo'u tuagane matua.
Ou te ata pe a ou mafaufau i lona tauvalaau atu i le ma tinā:
"Mum!!  Vaai ia Manu lea e fa'alavelave mai ia te a'u ile piano!!"
Sa ou mana'o e faataitai ma pu'e uma mea sa fai e o'u tuagane matutua.

Ou te faafetai i lo'u tinā mo lona sogasoga e faatonu mai ia te a'u, o ia lava sa faamalosia le naunau ina ia fa'aaoga lo'u taleni ile musika ina ia fai ma ta laau ma faipese.  O lo'u tamā foi, sa ta laau i lona nu'u i Samoa, ma ou te iloa o le telē o lona naunau, timaiga ma fautuaga ua ou taumafai lava e faautagia, ina ou usitai i lo la manaoga o matua.  E moni lava le upu ole tulafono mai Tusi Paia 
"Ia e ava i lou tamā ma lou tinā ina ia faalevaleva ai ou aso i le nu'u ole ā foaiina mai lou Alii lou Atua ia te oe."  Pei lava ose lu'itau lea mo fanau uma.  E te le iloa ma malamalama i manaoga o matua pe a ē laititi, ae a e o'o ina e matua, e te malamalama i le alofa moni o matua.  (E ese lava le faatigaulu mai o matua i nisi taimi, ae pau lava o aga lava na o tagata matutua a ea!).

 O lo'u pa'aga ma le musika, ua ou talitonu - ona o le auala ua saunia mai ai le Atua mo a'u, ina ia ou fa'aaoga e tala'i ai le Tala Lelei - ia ou fa'asoa ma fesoasoani fo'i i nisi uso a tagata o lo'o mana'omia fo'i le malamalama i mea tau musika.  Ou te lagona, ou te le iloa po'o le ā seisi ituaiga olaga ou te iai, pe ana le iai musika i lo'u olaga.  E leai seisi auala e mafai ai ona mu lo'u taulaga mole Alii - o Lona Viiga e tumau i pesepesega ma lo'u toaga e faatino le musika i le galuega fa'aleaufaipese.  

Ose lu'itau lenei mo faipese ma tagata musika - ia u'u mau pea i lou taleni.
Ia maua pea viiga ale Atua, ona o lou auaunaga mo le fa'ane'ene'eina o Lona Suafa Paia :-)
_______________________________________________________________________________

O lo'u toe galuega mo lo'u to'alua peleina o Loma Semeatu

O le aso lenei o le ā faatinoina lo'u tiute mulimuli mo lo'u to'alua o Loma Semeatu.
Sa maliu o ia ile Aso Lulu 22 Me 2013, ma o lona toe sauniga sa faia ile Aso Faraile 31 Me 2013.
Ua atoa nei le tausaga talu ona toe fo'i lona tino maliu ile efuefu.
O le aso lenei, Aso To'onai 31 Me 2014, o le ā faatino ai le tatalaina o le ma'a.

Ua malaga mai ona uso mai Ausetalia, ua faatasi mai foi nisi uo ma e masani e auai mai e faatasi mai e faamanatu ai le soifuaga o Loma i lenei lalolagi.

E ui lava o se aso faanoanoa ina ua lagona pea le tigā ole motusia ole mafutaga ma Loma, ae ose aso fiafia fo'i lenei ona ua taunu'u ma ua tini le faamoemoe sa taupoina, ina ia iai se ma'a e faamanatu ai, ma fai ma faailoga o lona soifuaga i lenei lalolagi.

Ou te talitonu, ua silafia o ia le tapenaga ua sauni ai lona aiga, ae maise lava ona uo, ina ia taunu'u fiafia lona aso. Ou te fiafia pe a ou mafaufau i ona mata 'ata'ata, ona uiga tausa'afia ma lona alofa faamaoni ia te a'u.  Ou te talitonu fo'i o lo'o faatasi Loma ma lona Matai o i le lagi, ma ole ā mimita fo'i ile toatele o tagata o le ā potopoto faatasi ona o ia.  O se tasi o mea sa fiafia lava Loma, o le mafuta ma tagata, o le talanoa fiafia ma le fai o tala tausua e fa'ataliē ai ana uo.

O lo'o misia lava Loma i mafutaga.  E le te'a se aso ou te lē mafaufau ia te ia ma ona mo'omo'oga mo a'u ina ia ou fiafia, ma faia mea e aogā e fa'aatiinaeina ai le alualu aga'i i luma o a'oa'oga a tamaiti Pasefika i Niu Sila ma totonu i motu ole vasa ole Pasefika.

Ou te alofa tele ia te oe Loma.  Faafetai mo lou alofa moni ia te a'u.
Ua tele mea aogā ua ou maua mai ia te oe.  Ou te talitonu ta te toe feiloa'i ise aso, ae mo le taimi nei, ia e fa'aavanoa se nofoaga mo a'u faatasi ma oe ile lagi.
_________________________________________________________________________________

O lo'u gagana muamua - o le gagana Samoa

Sa ou fanau i Aukilani i Niu Sila.
Sa ou manatua fo'i le aso muamua sa ou a'oga ile a'oga ole Malō.
Ose tama'i a'oga lava i Aukilani i Sisifo, ma e le'i toatele foi nisi tamaiti Samoa ile a'oga i lenā vaitaimi.

A ou mafaufau i lo'u lē malamalama i tala ole faiaoga, e le'i manino lelei upu sa ou faalogo i ai ae e lē gata i lea, ua ou iloa, e leai lava se tasi e pei o a'u sa ou mafai ona ou talanoa i ai.

E le'i amata lelei le vasega ae na tatala loa le faitoto'a.
Sa savali mai i totonu ole potu a'oga, seisi tamaitiiti fou - o le teine fo'i.
Sa u'u mau le lima o lona tinā.  Na fai mai le tala o lona tinā, 
"Vaai i le teine o lo'o nofo mai i ō.  Alu e nofo i ona talaane."
Sa ou talotalo i ai, ma sa ou fa'aali i ai ile teine o'u mata 'ata'ata.

E le'i manino ia te a'u ile vaitaimi lenā, ae sa ou malamalama ile tala ole tinā lea, ona o ia fo'i ole tagata Samoa.  O lana tama teine sa avea ma lo'u uo ile taimi atoa sa ou a'oga ai ile a'oga lea.  

E ui ina e iai nisi tagata Samoa e le o atoatoa ona lelei le latou tautala ile gagana Samoa, ae o lo'o taumafai lava e aoaoina le gagana Samoa.  O lo'o iai foi nisi e lē faatauaina le tautala ile gagana Samoa, ae o lo'o faamautuina le faatinoga ole fa'aSamoa i o latou aiga ma alalafaga.

Ia taumafai lava tatou tagata Samoa - ia maua le loto felagolagoma'i ma le fealofani - ina ia fesoasoani lava i o tatou uso a tagata - i so'o se ituaiga tagata Samoa o lo'o ola ma soifua mai ai i totonu o le tatou atunu'u pele - ma nisi foi atunu'u i fafo i le lalolagi atoa.

E faapitoa lo'u faafetai i o'u matua ona o le lā naunautaiga ma le talitonuga, 


"ia fa'atauaina le gagana Samoa, auā o le gagana Samoa e iloa ai o oe ole tagata Samoa".

Taofi mau i au mea sina - o la'u mea sina, o le gagana Samoa
_________________________________________________________________________________

Malo lava le soifua male lagi e mamā.

Ua maua se lagona vaivai o lenei auauna, ina ia faia se itulau faapitoa lava mole gagana Samoa.
Ou te taumafai lava e tusitusi ma fa'aali ni o'u manatu vaivai i lenei itulau, auā o lo'u lava naunau, ina ia fa'atauaina ai le gagana Samoa i lo'u olaga.

O le ā tumau le tusitusiga ole itulau masani sa ou amataina i lenā tausaga - e fa'atatau aga'i lo'u talanoaina i pese eseese, pese fa'asalemāsau ua lauiloa i Niu Sila nei, ae maise lava ole lalolagi atoa.

A faapea e iai ni mataupu po o ni fesili e te finagalo ou te talanoa i ai po o le tali foi, e talia lava so o se mataupu.

Talosia o lo'o manuia uma le mamalu o Samoa, tainane foi o tupu, ali'i, tamāli'i ma failauga a lo tatou atunu'u pele o Samoa.

Fa'amagalo mai pe afai e iai ni upu e sasi, pau lava ose taumafaiga vaivai o lenei auauna fa'atauva'a ma le lē aogā.

Ia manuia le Vaiaso o le Gagana Samoa ile alofa tunoa a lo tatou Atua.

"Taofi mau i au mea sina" - manatu autū ole Vaiaso ole Gagana Samoa mo lenei tausaga, 2014.